નિષ્ણાંત કહે છે કે હેલ્ધી ડાયટ, અને નિયમિત કસરત જાડાપણાને અટકાવી શકે છે...

જાડાપણું

જાડાપણું વૈશ્વિક સ્તરે વધતી જતી ચિંતા છે, અને ભારત પણ આ સાયલન્ટ કિલરથી બાકાત નથી, એમ અહીં ફોર્ટિસ એસ્કોર્ટ્સ હોસ્પિટલના એન્ડોક્રિનોલોજિસ્ટ ડૉ. નીતિન ગુપ્તાએ શનિવારે વિશ્વ જાડાપણા દિવસ નિમિત્તે આયોજિત જાગૃતિ કાર્યક્રમને સંબોધતા જણાવ્યું હતું.

ડો. ગુપ્તાએ જણાવ્યું હતું કે આ સ્થિતિ શરીરની વધારાની ચરબી સાથે સંકળાયેલી છે, જે હૃદય સંબંધી રોગો, ટાઇપ-2 ડાયાબિટીસ, સ્લીપ એપનિયા, ડિસ્લિપિડેમિયા, ડિપ્રેશન, નોન-આલ્કોહોલિક ફેટી લીવર, એથરોસ્ક્લેરોસિસ, પ્રજનન સંબંધી રોગો, ક્રોનિક કિડની રોગો, આયુષ્યમાં ઘટાડો જેવી બિમારીઓ તરફ દોરી જાય છે.

"શહેરી ભારતીય પુખ્ત વયના લોકોમાં જાડાપણાનો અહેવાલ 2006માં 22.9 ટકાથી વધીને 2018માં 32.5 ટકા થયો છે," તેમણે જણાવ્યું હતું.

ડૉક્ટરે કહે છે કે જાડાપણાને અંકુશમાં રાખવા માટે, લોકોએ નિયમિત વ્યાયામ અને સ્વસ્થ આહારની આદતો દ્વારા સંતુલિત BMI (બોડી માસ ઇન્ડેક્સ) માટે લક્ષ્ય રાખવું જોઈએ. 

“તેમણે કહ્યું પંજાબમાં જાડાપણાના વધતા વ્યાપ સામે લડવા માટે તંદુરસ્ત જીવનશૈલીને પ્રોત્સાહન આપવું અને જાડાપણા વિશે જાગરૂકતા ઊભી કરવી જરૂરી છે. તંદુરસ્ત આહાર અને નિયમિત કસરત જાડાપણા અને સંબંધિત સ્વાસ્થ્ય સમસ્યાઓને રોકવામાં મદદ કરી શકે છે"

ડૉક્ટરે જણાવ્યું હતું ગંભીર કિસ્સાઓમાં, લાંબા ગાળાના વજન ઘટાડવા અને એકંદર આરોગ્ય સુધારવા માટે બેરિયાટ્રિક સર્જરી અસરકારક ઉકેલ હોઈ શકે છે.