સૌથી સસ્તુ ઇલેક્ટ્રિક ટુ-વ્હીલર, જેની કિંમત તમે પણ ચૌકી જશો...

દેશમાં આધુનિક ટેક્નોલોજી સાથે ઇલેક્ટ્રિક વાહનો પ્રદાન કરનારી હોમ બ્રાંડ ડીટેલએ વધુ એક ટૂ-વ્હીલર લોન્ચ કર્યું છે. કંપનીએ શુક્રવારે કહ્યું કે તેણે પોતાનું ઇલેક્ટ્રિક ટુ-વ્હીલર ઇઝી પ્લસ લોન્ચ કર્યું છે. તેની કિંમત 39,999 રૂપિયા રાખવામાં આવી છે. કંપનીના જણાવ્યા અનુસાર ઇઝી પ્લસ મોડેલની બુકિંગ પણ શરૂ કરી દેવામાં આવી છે.

આ ઇલેક્ટ્રિક ટુ-વ્હીલર 170 મીમી ગ્રાઉન્ડ ક્લિયરન્સ સાથે આવે છે. તે 20 Ahની લિથિયમ આયન બેટરી દ્વારા સંચાલિત છે. આ વાહન સંપૂર્ણ ચાર્જ 4-5 કલાકમાં થઈ જાય છે અને તે એક સમયે 60 કિલોમીટર સુધી ચાલી શકે છે.

ડીટેલના યોગેશ ભાટિયાએ જણાવ્યું હતું કે, "ડીટેલ જનતા માટે હોમગ્રાઉન બ્રાન્ડ છે. અમે ભારતમાં એકદમ વિશ્વસનીય ટુ-વ્હીલરનુ ઉત્પાદક કરવા માંગીએ છીએ. અમે સરેરાશ વપરાશકારની રોજિંદા આવક અને જરૂરિયાતો ધ્યાન રાખીને ટકાઉ અને ગતિશીલતા વાળી પ્રોડકટ આપી રહ્યા છીએ.  

ડીટેલ તેના ઇલેક્ટ્રોનિક ગુડ્સ અને કન્ઝ્યુમર ગેજેટ્સ સાથે 2017થી ભારતીય બજારમાં છે. જાન્યુઆરી 2020 માં, કંપનીએ ભારતીય ગ્રાહકોને સ્માર્ટ ઇવી વાહનોની સુવિધા આપવા માટે ઇવી ઉદ્યોગમાં પ્રવેશ કર્યો.