અસહ્ય ઉકળામાંથી અમદાવાદીઓને મળ્યો હાશકારો...

તોફાની પવન અને વરસાદ સાથે થયો અમદાવાદના વાતાવરણમાં પલટો.....

 

ગઇકાલે શહેરનું મહત્તમ 41.1 ડિગ્રી તાપમાન હતું અને સામાન્ય વરસાદની આગાહી અમદાવાદમાં હતી, પરંતુ આજે શહેરના વાતાવરણમાં વરસાદ સાથે ઠંડકની લહેર પ્રસરતા શહરીજનોને ગરમીના ઉકળાટથી થઈ રાહત.

 

ગુજરાતમાં સૌરાષ્ટ્ર, મધ્ય ગુજરાત અને દક્ષિણ ગુજરાતના કેટલાક વિસ્તારોમાં કયાંક ધોધમાર તો કયાંક હળવા ઝાપટા સાથે વરસાદ આવી રહ્યો છે. તો આજે ઘણા દિવસો બાદ અમદાવાદના વાતાવરણમાં બદલાવ આવ્યો અને કાળા વાદળોથી આકાશ ઘેરાયું હતું. જે પછી તોફાની પવનની લેહરો સાથે ધોધમાર વરસાદ વરસી પડ્યો. અમદાવાદ શહેરના સોલા, ગોતા, મેમનગર, વસ્ત્રાપુર અને એસજી હાઇવે સહિતના વિસ્તારોમાં વરસાદ આવ્યો.    

 

ગઇકાલે શહેરનો તપમાનનો પારો 40 ડિગ્રીને પાર પોહચી ગયો હતો અને અમદાવાદ શહેરમાં હજી સુધી એક જ વાર મેઘરાજાએ હાજરી આપી હતી અને ત્યારબાદ આજ સુધી વરસાદની કોઈ પધરામણી નોહતી થઈ. જયારે હવામાનના ખાતાના જણાવ્યા મુજબ શહેરમાં સામન્ય વરસાદ વરસે તેવી આગાહી હતી અને જ્યારે આપણે બીજી તરફ વાત કરીએ તો હવામાન ખાતા દ્વારા દક્ષિણ ગુજરાત અને સૌરાષ્ટ્રમાં ભારે વરસાદની આગાહી કરી હતી.