શાસ્ત્રો અનુસાર માનવમાં આવે છે, રવિવારે તુલસીનું પાંદડું તોડવાનું પ્રતિબંધિત, જાણો તેની સાથે જોડાયેલા રહસ્ય...

તુલસી પૂજા કરવા સાથે ઘણા ફાયદાઓ જોડાયેલા છે. આ પવિત્ર છોડની પૂજા કરનારાઓને ભગવાન વિષ્ણુના આશીર્વાદ મળે છે. જોકે તુલસી પૂજા કરવાના પણ ઘણા નિયમો આવે છે અને આ નિયમોનું પાલન કરવાથી જ તુલસી પૂજાનો લાભ થાય છે. જે લોકો તુલસી પૂજા સાથે જોડાયેલા નિયમોનું પાલન નથી કરતા. તે લોકો પાપના ભાગીદાર બની જાય છે. તો ચાલો જાણીએ તુલસી પૂજા કરતી વખતે શું ધ્યાનમાં રાખવું.

તુલસીની પૂજા કરતી વખતે આ બાબતોને ધ્યાનમાં રાખો

એવું માનવામાં આવે છે કે રવિવારે તુલસીનું પાંદડું ન તોડવું જોઈએ. સાથે જ આ દિવસે તુલસી પર પાણી ન આપવું જોઈએ. રવિવાર ભગવાન વિષ્ણુનું પ્રિય વાર છે અને તુલસીનો છોડ વિષ્ણુજીને ખૂબ પ્રિય માનવામાં આવે છે. આથી તુલસીના છોડના પાન આ વારે તૂટવા ન જોઈએ અથવા તો રવિવારે આ છોડ પર પાણી ન આપવું જોઈએ.

 

તુલસીનો છોડ હંમેશા ઘરના આંગણામાં રોપવો જોઈએ અને આ છોડની પૂજા થવી જ જોઇએ. સાંજે તુલસીની સામે અંધારું ન થવા દો અને આ છોડની નજીક ચોક્કસપણે દીવો પ્રગટાવો.

જો તમે ઘરમાં તુલસીનો નવો છોડ વાવી રહ્યા છો. તો છોડને ગુરુવારે જ રોપો. આ છોડ રોપવા માટે ગુરુવારનો દિવસ સૌથી શુભ માનવામાં આવે છે.

 

શાસ્ત્રો અનુસાર તુલસીના છોડને સ્નાન કર્યા વિના પણ સ્પર્શ ન કરવો જોઈએ. જો તમે આવું કરો છો તો તમે પાપના ભાગીદાર બનો છો. તેમજ તુલસીના છોડ પાસે સફાઈ રાખો અને ત્યાં ગંદગી થવા ન દો.

 

ભગવાન શિવ, ગણેશ અને ભૈરવજીને તુલસીના પાન અર્પણ ન કરો. આ દેવતાઓને તુલસીના પાન અર્પણ કરવા શાસ્ત્રોમાં પ્રતિબંધિત માનવામાં આવે છે.

ગુરુવારે વિષ્ણુજીની પૂજા કરતી વખતે તમારે તેને તુલસીનું પાન અવશ્ય અર્પણ કરવું જોઈએ. આમ કરવું શુભ માનવામાં આવે છે. એવું માનવામાં આવે છે કે વિષ્ણુજીને તુલસીનું પાન અર્પણ કરવામાં આવે તો તે ખુશ થાય છે અને તે પોતાના ભક્તોની દરેક ઇચ્છાપૂરી કરે છે. એટલે વિષ્ણુજીને પાસેથી જે જોઈએ છે તે મેળવવા માટે તેમની પૂજા કરતી વખતે તુલસીના પાન અર્પણ કરવાનું ભૂલશો નહીં. તમે ઇચ્છો તો ભગવાનને જે ભોગ લગાવી શકો છો તેની અંદર પણ આ પાંદડું મૂકી શકો છો.

ગુરુવારે તુલસીની પૂજા કરવાથી લાભ બમણો થાય છે. ગુરુવારે સવારે અને સાંજના સમયે તુલસીના છોડની સામે દીવો પ્રગટાવો. તેમજ ગ્રહણ થાય ત્યારે તુલસીના છોડને કપડાથી ઢાંકી દો અને આ સમય દરમિયાન તુલસીને અડશો નહીં. ગ્રહણ પૂર્ણ થયા પછી જ તેની પૂજા કરો.

આ તુલસી પૂજા સાથે સંબંધિત કેટલાક નિયમો હતા. પૂજા કરતી વખતે તમારે તેમનું પાલન કરવું એ આપણાં માટે હિતકારક રહે છે.