કેન્દ્રીય મંત્રીના જણાવ્યા અનુસાર વિદેશી બજારોમાં કિંમતોમાં થયેલાવધારાની તુલનામાં સ્થાનિક ભાવમાં વધારો ઓછો રહ્યો છે. તેમના મતે દેશમાં તેલીબિયાંના ઉત્પાદન અને ઉત્પાદકતામાં વધારો કરીને ખાદ્યતેલોની આયાતપરની પરાધીનતા ઘટાડવાના પ્રયાસો કરવામાં આવી રહ્યા છે.
કેન્દ્રીય ગ્રાહક બાબતો, ખાદ્ય અને જાહેર વિતરણ પ્રધાન પિયુષ ગોયલે મંગળવારે સંસદમાં જણાવ્યું હતું કે, ખાદ્યતેલોના ભાવ આંતરરાષ્ટ્રીય ભાવની તુલનામાં ઘરેલુ બજારમાં, જથ્થાબંધ અને છૂટક કિંમતોમાં પ્રમાણસર વધારો થયો નથી. કેન્દ્રીય ખાદ્યમંત્રીએ લોકસભામાં એક સવાલના લેખિત જવાબમાં જણાવ્યું હતું કે વૈશ્વિક સ્તરે ખાદ્યતેલના ભાવમાં વધારો થઈ રહ્યો છે અને ઘરેલું ઉત્પાદન અપૂરતું છે જેના કારણે ખાદ્યતેલના ઘરેલુ ભાવમાં વધારો થયો છે.
લોકસભાના સભ્ય લલ્લુસિંહે કેન્દ્રીય મંત્રી પાસે એ જાણવાની માંગ કરી કે શું સરકાર દ્વારા કરવામાં આવેલા પ્રયત્નો છતાં ખાદ્યતેલના ભાવ સતત વધી રહ્યા છે. આના પર કેન્દ્રીય ગ્રાહક બાબતો, ખાદ્ય અને જાહેર વિતરણ પ્રધાન પિયુષ ગોયલે હકારાત્મક જવાબ આપ્યો કે ખાદ્યતેલોનું સ્થાનિક ઉત્પાદન દેશની માંગને પહોંચી વળવા પૂરતું નથી. તેમણે જણાવ્યું હતું કે ખાદ્યતેલોની માંગ અને ઉત્પાદન વચ્ચેની તંગી આયાત દ્વારા પૂરી થાય છે.
તે જ સમયે, ભાવ નિયંત્રણ પર સરકાર દ્વારા કરવામાં આવેલા પ્રયાસો વિશે પૂછાયેલા પ્રશ્નના કેન્દ્રીય મંત્રીએ કહ્યું કે, ખેડુતો, ઉદ્યોગ અને ગ્રાહકોના હિતોને ધ્યાનમાં રાખીને, ખાદ્યતેલ અને અન્ય ચીજવસ્તુઓની કિંમત, ઉપલબ્ધતાની જાણકારી માટે બંધારણ દ્વારા નજીકથી દેખરેખ રાખવા ફૂડ સેક્રેટરીની અધ્યક્ષતામાં કૃષિ ઉત્પાદનો પર મંત્રી સમિતિની રચના કરવામાં આવી છે.
આ સમિતિમાં વાણિજ્ય
વિભાગ, કૃષિ વિભાગ,
સહકાર અને ખેડૂત કલ્યાણ
વિભાગ, મહેસૂલ વિભાગ,
ગ્રાહક બાબતોનો વિભાગ અને
વિદેશ વેપાર નિયામકનો સમાવેશ થાય છે. તેમણે માહિતી આપી કે દેશમાં તેલીબિયાંના
ઉત્પાદન અને ઉત્પાદકતામાં વધારો કરીને ખાદ્યતેલોની આયાત પરની પરાધીનતા ઘટાડવાના
પ્રયાસો કરવામાં આવી રહ્યા છે. કેન્દ્રીય મંત્રીએ આ દિશામાં કેન્દ્ર સરકાર દ્વારા
ચલાવવામાં આવતી યોજનાઓ અને કાર્યક્રમો વિશે પણ માહિતી આપી હતી.
.jpg)
0 ટિપ્પણીઓ