પેરાશૂટથી હેલિકોપ્ટરમા ફસાયો સૈનીક, અને લટકાઇ રહ્યો હવામા...

રશિયન સૈનિક માટે પડકારની પરિસ્થિતિ ઉભી થઈ ગઇ જ્યારે તે કડકડતી ઠંડીમાં હેલિકોપ્ટરથી લટકાઇ ગયો. જો કે, સંયમ સાથે કામ કરતા પાઇલટે ધીરે ધીરે હેલિકોપ્ટર નીચે ઉતાર્યું હતું અને આ દુર્ઘટનામાં રશિયન સૈનિકને કોઈ ઈજા પહોંચી નથી.આખી ઘટના એક વ્યક્તિએ તેના કેમેરામાં કેદ કરી હતી.

હકીકતમાં, એક રશિયન સૈનિક રશિયાના કુષ્ટક ગામ નજીક હેલિકોપ્ટરથી કૂદી ગયો હતો. જો કે 6500 ફૂટની ઉંચાઈથી કૂદતા આ શખ્સનું પેરાશૂટ હેલિકોપ્ટરમાં અટવાઇ ગયુ હતું. આ કારણે આ સૈનિક હેલિકોપ્ટરથી લટકતો રહ્યો હતો. કડકડતી ઠંડીમાં, આ વ્યક્તિની પરિસ્થિતિ થોડી મુશ્કેલ હતી, પરંતુ તેને સુરક્ષિત રીતે નીચે ઉતારી લેવામાં આવ્યો હતો.

આ સમગ્ર ઘટના એક સ્થાનિક વ્યક્તિએ જોઈ હતી. સ્થાનિક મીડિયા સાથેની વાતચીતમાં, મેક્સિમ સ્ટેફાનોવિચ નામના આ વ્યક્તિએ કહ્યું કે મેં થોડો અવાજ સાંભળ્યો હતો અને ત્યારબાદ જ્યારે મેં આકાશમાં નજર કરી ત્યારે મને એક હેલિકોપ્ટર દેખાયુ. મને શરૂઆતમાં લાગ્યું હતું કે સૈન્ય કંઈક નવું કરી રહ્યું છે, પરંતુ જ્યારે મેં મારા ફોનનો કેમેરો ઝૂમ કર્યો ત્યારે મને સમજાયું કે હેલિકોપ્ટરમાં એક વ્યક્તિ લટકી રહ્યો છે.

સ્ટેફેનોવિચે વધુમાં કહ્યું કે મેં તાત્કાલિક પોલીસને ફોન કર્યો અને તેમને આ વાત વિશે સંપૂર્ણ માહિતી આપી. એ સૈનિક વિશે વિચારતા તેણે કહ્યુ કે ઠંડી ઘણી હતી કારણ કે તે સમયે તાપમાન માઇનસ 20 ડિગ્રીની આસપાસ હતું  અને સાથે સાથે  હેલિકોપ્ટરની હવામાં તેના માટે ખૂબ મુશ્કેલ પરીસ્થિતી થઈ હશે.  

મેક્સિમે ચિંતા વ્યક્ત કરી કે આ હેલિકોપ્ટર ધીમેથી નીચે આવી રહ્યું હતું પરંતુ મને લાગ્યું કે પાયલોટે આ સૈનિકને તરત જ હેલિકોપ્ટરને ઓટો મોડ પર રાખીને મદદ  કરી હોવી જોઈએ કારણ કે ઠંડી એટલી ભયંકર હતી કે મને લાગ્યું હતું કે જો તે વ્યક્તિ હવામાં થોડો વધાર સમય રહ્યો હોત તો તેનુ  મ્રુત્ય પણ થઈ શકે એમ હતુ. નોંધપાત્ર વાત એ છે કે, વર્ષ 2014 માં, એક મેક્સીકન પેરાટ્રોપર પણ હવામાં લટકતો રહ્યો હતો.