બેંગાલુરુની મહિલાનો આક્ષેપ, 'ઝોમેટો ડિલિવરીમેને હુમલો કર્યો અને....

 

image source from Instagram/hiteshachandranee

દક્ષિણ ભારતના શહેર બેંગલુરુની એક મહિલાએ ફૂડ ડિલીવરી એપ્લિકેશન ઝોમેટોના ડિલિવરીમેન પર તેના પર હુમલો કરવાનો આરોપ લગાવ્યો છે . મહિલાનો આરોપ છે કે જ્યારે તેણે ડિલિવરી કરનારને ઓર્ડરમાં વિલંબનું કારણ પૂછ્યું ત્યારે તેના પર હુમલો કર્યો હતો. હિતેશા ચંદરાણીએ સોશિયલ મીડિયા પર એક વીડિયો શેર કર્યો હતો જેમાં તેના નાકમાં લોહી વહેતું બતાવવામાં આવ્યું હતું. હિતશાના જણાવ્યા મુજબ, થયેલી ઈજા ડિલિવરી એક્ઝિક્યુટિવ દ્વારા કરવામાં આવેલા હુમલાનું પરિણામ છે. આ વિડિઓ પર પ્રતિક્રિયા આપતા, ફૂડ ડિલિવરી એપ્લિકેશનએ તેના ઓશિયલ ટ્વિટર હેન્ડલ પર કહ્યું હતું કે, 'પોલીસ તપાસમાં મદદ કરવા માટે સ્થાનિક પ્રતિનિધિઓ તમારા સંપર્કમાં રહેશે.

View this post on Instagram

A post shared by HITESHA | Beauty Influencer (@hiteshachandranee)

 

વીડિયોમાં હિતેશા તેના નાક તરફ ઈશારો કરી રહી છે કે, 'મારો જોમાટો ડિલિવરીનો ઓર્ડર મોડો હતો અને જ્યારે હું ડિલિવરી માટે આવેલી વ્યક્તિ સાથે વાત કરી રહી હતી. ત્યારે તેણે મને મુક્કો માર્યો અને મને લોહી નીકળતું મૂકી ભાગી ગયો. 'બાદમાં શેર કરેલ બીજા વિડિયોમા નાક પર પાટો જોઇ શકાય છે. તેણે કહ્યું, 'હું સવારથી જ કામ કરતી હતી અને મેં ઝોમેટોમા જમવાનું મંગાવ્યું. મેં બપોરના સાડા ત્રણ વાગ્યાની આસપાસ ઓર્ડર આપ્યો, લગભગ સાડા ચાર વાગ્યે ડિલિવરી થવાની અપેક્ષા હતી પરંતુ મારો ઓર્ડર સમયસર પહોંચ્યો ન હતો, તેથી હું ઝૂમોટો કસ્ટમર કેર સાથે વાત કરતી હતી કે ક્યાં તો મને મફત ડિલેવરી આપો અથવા ઓર્ડર રદ કરો. '

 

ઇન્સ્ટાગ્રામ પર શેર કરેલા ચાર મિનિટના વીડિયોમાં હિતેશાએ કહ્યું, 'આ દરમિયાન જોમેટોનો ડિલિવરી બોય ખૂબ જ અસભ્ય / અસંસ્કારી સ્વભાવનો હતો. મેં આખો દરવાજો ખોલ્યો નહીં અને મેં તેને કહ્યું કે હું કસ્ટમર કેર સાથે વાત કરુ છું.. મેં તેને કહ્યું કે મારે આ ઑર્ડર નથી જોઈતો કારણ કે મોડું થઈ ગયું છે પરંતુ તેણે ઓર્ડર પાછો લેવાનો ઇનકાર કરી દીધો અને બૂમ પાડી. ડરથી મેં દરવાજો બંધ કરવાનો પ્રયાસ કર્યો પણ તેણે દરવાજો ધક્કો મારી પાર્સલ મારા  હાથમાથી લઈને મુક્કો મારી ભાગી ગયો. 'આ દરમિયાન ઝોમાટોએ એક નિવેદન બહાર પાડ્યું છે કે ડિલીવરીમેનને એપ્લિકેશન સૂચિમાંથી હટાવવામાં આવ્યો છે. ઝોમેટોએ ટ્વિટમાં કહ્યું, 'આ ઘટના પર અમને કેટલું દુ: ખ થયું છે તે અમે કહી શકતા નથી. અમે જરૂરી કાર્યવાહી કરીશું અને ખાતરી આપીશું કે ભવિષ્યમાં આવી ઘટનાઓ ફરીથી ન બને.